بما أن بزاف ديال البنات كيشاركو قصصهم ههه مع أساتذتهم في الابتدائي حتى أنا نشارك قصتي
عمرني نسى فاش كنت فالثالث ابتدائي وكانت كتقريني واحد الأستاذة، كانت تسرقات ليها تلفون هزاتها لها وحدة و فاش جات كتقلب قالت ليها ديك البنت را فلانة لي هزاتها(أنا زعما ) وقالت ليها زيدي نوريك فين خباتها ، وانا عمرني فحياتي درت يدي لشي حاجة ماشي ديالي وتيقاتها و شداتني دارت ليا الفلقة على رجليا حتى ما قديت نوقف مزال و مشاو دراري و قالوها لبابا حتى هو عيييت نقوليه ما هزيت والو و ما تيقني ههه قالت مغيكدبوش عليك، كون غير ديك الأستاذة بززات عليها و بقات تسولها شكون هزها را غتعتارف ليها بلي هي لي هزاتها ولكن هي فضلات تيقها و كذباتني، و قالت لكاع دوك لي كانو كيقراو معايا ميبقاوش يلعبو معايا ، و يولو يلعبو غا مع ديك لي قالت ليها را انا لي هزيت تلفون و كنت فاش وصلت التاسعة فكل مرة كنكون فشي مجمع حتى كتقول شي وحدة من البنات لي فايت قراو معايا فالابتدائي فلانة راه كانت سرقات للمعلمة التلفون ، ما كنت كنقد نقول والو شكون يتيقك، الأساتذة كاملين كانو كلهم كيشوفو فيا بنظرة ناقصة
اوا حتى أنا من هاد المنبر لديك الأستاذة الله وخا يكون بينها و بين الجنة ذنبي ما نسمح ليها لا دنيا ولا آخرة ضلماتني و سنين وانا كنسمع فالهضرة من دوك لي قراو معايا.
تعليقات
إرسال تعليق