ماما سمعتكم البارح شنو كنتو كديرو

 عندي بنت فعمرها 14 عام، وإحنا كاريين فدار صغيرة. بصراحة ما كنرتاحش بزاف مع راجلي فالليل، حيث كنخاف تسمعنا.

المشكل أن بنتي ما كنعسش بكري، حتى لـ2 د الليل، ومرات كتفاجئني بكلام ما كيعجبنيش.

مثلا كتقولي فالصباح: "ماما سمعتكم البارح شنو كنتو كديرو؟"

أنا كنحاول نجاوبها بلطف، قلت ليها مرة: "باباك كان عيان وأنا غير كنت كندلك ليه" باش نسد الموضوع.

وحتى ملي كنصبح مدوشة كتسولني: "واش خاصك ديما تدوشي؟ راه الناس كيدوشو مرّة فالسيمانة ولا مرّة فثلاث أيام…".

كلامها كيحيرني وما عرفت كيفاش نتصرف معاها، ولا كيفاش نجاوبها بلا ما تزيد تطرح أسئلة محرجة.

صراحة محتاجة نصائحكم، كيفاش نتعامل مع بنتي فهاد السن الحساس، ونفهمها بلا ما نحسها بالحرج ولا بالفضول الزايد؟