كنت متزوجة مدة عاماين فالهناء والسعادة مع اهل راجلي كيبغيوني وكنبغيهم من قلبي وكأنني وحدة منهم مكاين لا سم لا غيرة لا صداع كنا مفاهمين لدرجة الناس حاسدينا على عيشتنا ...حتا لواحد النهار خو راجلي بغا يتزوج وحماتي قالت لي واش كتعرفي شي بنت للزواج تكون بحالك وبحال نفسك ونا بلا عݣز عليا قلت ليها كاينة بحالي فالطبيعة وكتحمق بالزين واللي هي صاحبتي من الطفولة وفعلا مشينا خطبناها ولوسي كان فرحان عجباتو ومن بعد دارو العرس ديال الفريع ونا فرحانة من قلبي الخالص ولكن بعد الزواج كلشي تبدل عليا منهم راجلي وحماتي ولوايساتي ولوسي وانا مافاهمة والو ومللي تناقشت مع راجلي جرا عليا من الدار ومشيت لدارنا غضبانة حتا وصلاتني ورقة من المحكمة ديال الطلاق 💔 وفاش حاولت نعرف علاش راجلي بغا يطلقني من بعد ماكان كيموت عليا 🥲هنا كانت الصدمة....صاحبتي اللي درت فيها خير وزوجتها بخو راجلي هي اللي سربات تصاوري مع الولد اللي كنت مصاحبة معاه قبل الزواج وتفارقت معاه .... والمشكل هو أنني سبق لي وقلت لراجلي انت اول شخص كنعرفو فحياتي 🥲 ولكن صاحبتي دمراتني رغم انني كنت كنبغيها وعمري أديتها
تعليقات
إرسال تعليق