البنات ناس كيدويو فيا غير من بعيد مكيوصلوش كاع لدارنا بزااف لي كيتمناوني وكيقولو كون غي دينا بنت فلانة لولدنا كون ديت بنت فلان لخويا وصراحة كنسمع الهضرة وكيجيو يستاشرو معايا واش نبغي ولكن انا مكنبغيش ماشي بدون سبب ولكن صراحة كيكونو شي شروط لي منقبلش بيهم ولا هما مكيقبلوش ليا شي شروط دياولي واحد المرة قلت لي دوا فيا دبا والله تا نخليهم يجيو نشوف واش تصدق وجاو لدار جوج وسبحان الله فأيام متابعة وحد جا الخميس واحد جا جمعة وانا كنت عارفة المواصفات وماكنت بغيت تا واحد فيهم مهم زردنا معاهم ديك يوماين ههه ماقبلتش لول كان مزوج ومطلق وكبير عليا وتايكمي وتا طليقتو مزال تابعاه وباغا ترجع ليه حيت بيها غير سحر قلت فالغالب يقدر يردها وثاني ساكن فالعروبية وساكن مع واليديه وخوتو وعيالات خوتو ولادهم... ماقديتش انا نعيش هكاك وانا محجبة ماعمري نحلم ناخد راحتي صافي ورفضت يعني ديما كتكون اسباب اما إلى جا لي على عقلي وفيه مواصفات لي بغيت والله تا نتخلى على شروطي فحال القراية والخدمة وبزاف دالحاجات ماعليش مهم نلقى داك زوج صالح كيف بغيتو نسمح فكولشي إلى ربي عوضني بيه دعيو معايا البنات الله يفرحكم ويسعدكم ويرزقكم من واسع فضله ويحقق ليكم تا نتوما كل ما تمناوه