خويا صغير عندو 14 لعام ضاسر بزاف و باسل والديا مضسرينو و راخيين ليه حنت عندهم غير هو من ورا 4 لبنات . لمهم تلفون يوميا ياكل و هازو يسهر حتال 4 صباح مايفيق حتال 1 . لحسانة خايبة كيحسن غير حدا ودنيه. فوق راسو و كرفادتو مربي فيهم شعر . تقدية لحانوت والله لا مشا كنمشي انا لي بنت و عندي 18 لعام . حنا ساكنين في لعروبية كيمشي يسرق لبيض لبلدي لعباد الله و يسرق لخضرة من بلدان ناس . كيخسر لهضرة قبيلة مشا حسن على اساس لقراية غدا جا داير واحد لحسانة خايبة ملي قلتيه اش هاد لحسانة قال ليا. ديها في راسك هاكي ال9*** و والديا كيشوفو كلشي قدام عينيهم كيقولو ليا ماشي سوقك ولدنا هداك عاجبنا . الا عيرتو كتنوض ضربها ليا بواحد مولاتي نتفة و تجرجرني في الارض بابا كيقول ليه جيب ليا نشرب كيقوليه سير 9** نوض راسك . بابا من دوي الاحتياجات الخاصة ميقدرش يمشي كيشوف حتا يعيا و يسكت . ملي مكيلقاش تقاشرو و لا شارج... كيكلس يخسر في لهضرة و يخبط في البيبان و يهرس .... هادشي غير شوية من بزاف انا مكرهتش نشدو بشي مزلاط و نزوق ليه لحمو على هاد ضسارة ولكن تشدني ماما تقتلني تجري عليا من دار و هو نيت نهار نخرج برا يهرس ليا راسي بالحجر هو حقود بزاف و ماما راخية ليه عاجبها كتقول ليك عندي غير واحد خليه را مزال صغير نصائحكم عفاكم كفاش نتصرف معاه را شوية و يولي يكمي و يسكر و يتشمكر ديال بصح .
تعليقات
إرسال تعليق